Ndihma e parë

Nëse ju ndalojnë persona me rroba civile pa shenja identifikimi, kërkoni dokumentin që vërteton se janë punonjës të Policisë së Shtetit.
Kërkoni gjithmonë arsyen e ndalimit dhe provat për veprimet tuaja. Mos e shoqëroni me asnjë koment shpjegues.
Mos jepni deklarime pa praninë e avokatit. Kërkoni ta kontaktoni menjëherë: prania e avokatit është e drejtë themelore.
Mos e jepni kodin e telefonit, edhe nëse kërkohet me insistim.
Kërkoni të njiheni me letrën e të drejtave dhe ta mbani gjithmonë me vete.
Mos flisni për çështjen tuaj me askënd në të njëjtin ambient, edhe nëse e njihni: biseda mund të regjistrohet.
Nëse ju dhunojnë gjatë ose pas arrestimit, kërkoni menjëherë të bëni kallëzim penal në AMP (Agjencia e Mbikëqyrjes Policore).
Nëse keni dëmtime, kërkoni trajtim mjekësor, foto të dëmtimeve dhe urdhër për t'u paraqitur në Mjekësinë Ligjore.

Av. Arlind Hoxha

Ndaloheni gjatë protestës?

Kërkoni identifikim. Nëse punonjësit janë me rroba civile, kërkoni t'ju tregojnë dokumentin e identifikimit.
Kërkoni avokatin. Kërkoni të flisni me avokatin para pyetjes. Keni të drejtë të mos bëni deklarime.
Kujdes me telefonin dhe bisedat. Për kodin e telefonit, këshillohuni më parë me avokatin. Mos diskutoni çështjen me persona të tjerë në ambientin e ndalimit.
Nëse dëmtoheni, kërkoni kujdes mjekësor dhe dokumentimin e dëmtimeve. Mund të paraqisni ankesë pranë AMP-së.

Av. Emanuel Lumçi

Avokatët këshillojnë · nëse arrestoheni

Mos thoni asgjë përveç: "Quhem … dhe dua të kryej telefonatën time që më takon sipas ligjit."
Merrni në telefon familjarët tuaj dhe gjeni avokat.
Mos firmosni asgjë pa praninë e avokatit tuaj.
Mos jepni asnjë deklaratë pa praninë e avokatit tuaj.
Mbani mend orën kur jeni arrestuar dhe orën kur keni ardhur në komisariat.
Mund t'ju bëhet presion, t'ju kërkohet të firmosni deklarata ose të hapni telefonin. Mos bini pre e asnjë presioni.

🤝Ndihma vullnetare›

🛡️ Tajvani · Vend i sigurt për protestuesit

📍 Hape në hartë

Ndihma e parë është në terren

Pranë kujdo që ka nevojë. Identifiko dhënësit e ndihmës së parë nëpërmjet jelekëve jeshil.

📍 Tajvani

Harta

📍 Laguna

Harta

📍 Ministria e Arsimit

Harta

Na tregoni si mund t'ju vijmë në ndihmë edhe më shumë.

Kërko Shamikuqet

Ke nevojë për ndihmë? (nga gazi, spraji i piperit…) Jemi doktori në mes të turmës. Nëse ke nevojë, afrohu!

Bora Travel & Tours · zyra në Tiranë

Dyert e zyrës janë të hapura për studentët: ujë, maska mbrojtëse, solucion fiziologjik, materiale të ndihmës së parë. Falas.

📍 Hape në hartë

🩺Mjekë & psikologë›

Albania Medical Clinic · 24/7 falas

Shërbim falas për çdo student dhe protestues të dëmtuar: mjekime, qepje plagësh, serume. Ambulanca për transport ose emergjencë është në dispozicion falas në çdo orë.

Rruga e Kavajës, Kompleksi Delijorgji, Tiranë

Thirr · 068 247 7367 📍 Harta

Klinikë në Rrugën e Durrësit

Kush ka nevojë për solucion fiziologjik dhe maska, të na kontaktojë.

Thirr · 069 202 2033

Denis Mata · fizioterapist

Klinikë rehabilitimi. Ofron rehabilitim falas për të rinjtë e lënduar, që të rikthehen sa më shpejt në jetën e përditshme.

Thirr · 069 258 7189

Mbështetje psikologjike falas

Ada Hajdërlli · psikologe klinike

"Jo çdo plagë është e dukshme." Mbështetje psikologjike falas për gjimnazistët dhe studentët në situata emergjence, si pasojë e protestave dhe ngjarjeve të fundit.

@psikologe_ada

Bliss · terapi online

Mbështetje falas për studentët në Shqipëri, me video, audio ose chat.

student.blisstherapy.ai @bliss.real

📷Shkeljet ligjore›

Filmo dhe fotografo dhunën, arrestimet arbitrare, shkeljet në komisariate dhe mjetet që përdor policia (granata, bombola gazi, fishekë).
Ruaj skedarët origjinalë, jo screenshot. Shëno datën, orën dhe vendin.
Nëse gjen mbetje granatash apo bombolash, fotografo nga afër shenjat, shkrimet dhe numrat mbi to.

Raport për OKB-në dhe Këshillin e Evropës

Një avokate po mbledh materiale për një raport mbi dhunën e policisë gjatë protestave 13–18 tetor. Çdo informacion trajtohet në mënyrë konfidenciale; asnjë emër nuk bëhet publik pa pëlqimin tuaj.

✉ deaninaavokate@gmail.com

🛡️Si të mbrohesh në protestë›

Merr me vete

Syze mbrojtëse ose syze noti: mbrojnë sytë nga gazi lotsjellës. Syzet e diellit nuk mjaftojnë.
Maskë N95 ose antigaz: mbron frymëmarrjen nga gazi.
Ujë fiziologjik për të larë sytë. Mos përdor qumësht në sy: mund të shkaktojë infeksion.
Tapa veshësh kundër bombave zhurmuese.
Çadër: të mbron nga spërkatja e ujit dhe autoboti.
Powerbank dhe kabllo.

Vishu me

Rroba me mëngë të gjata dhe pantallona të gjata: sa më pak lëkurë të zbuluar.
Pantallona të gjera me xhepa.
Doreza të trasha, mundësisht rezistente ndaj nxehtësisë.
Kaskë për të ruajtur kokën nga gurët dhe bombulat e gazit.
Ngjyra të errëta, të njëtrajtshme, që nuk dallojnë nga turma.
Atlete ose këpucë të rehatshme për të vrapuar.

Kurrë

Mos mbaj lente sysh: gazi ngec poshtë tyre.
Mos u largo nga turma: arrestohen protestuesit e izoluar.
Mos kap pa doreza bombulën e gazit: nxehet shumë dhe djeg kimikisht.
Mos hidh gurë nga mesi i turmës: mund të dëmtosh protestuesit e tjerë.
Mos dëmto bizneset e vogla: i kthen njerëzit kundër kauzës.
Mos diskuto me mesazhe asgjë inkriminuese: grupet në WhatsApp nuk janë 100% të sigurta.
Mos rri vetëm, as pas protestës: mund të të ndjekin nëse të kanë pikasur.
Mos vër krem apo makeup me bazë vajore: mbajnë kimikatet në lëkurë.
Mos fol me policinë pa avokat.

Gjithmonë

Shkruaj numrin e një avokati në krah me marker permanent.
Shëno orën nëse të shoqërojnë: policia mund të të mbajë maksimumi 5 orë pa të arrestuar.
Ruaj qetësinë: përçarja, frika dhe paniku janë armët e pushtetit.

"Si të protestosh"

NDIHMA
E PARË

Mbështetje psikologjike falas

Merr me vete

Vishu me

Kurrë

Gjithmonë

Ruaje si aplikacion

NDIHMAE PARË

Mbështetje psikologjike falas

Merr me vete

Vishu me

Kurrë

Gjithmonë

Ruaje si aplikacion

NDIHMA
E PARË